• Radyo Pilipino News Team

Bandila sa Walhong Grupo Gisunog didto PRO 13 CARAGA


BUTUAN, PHILIPPINES – Dungan sa gipahigayong Turn-Over Ceremony sa Police Regional Office 13, gisunog sa 65 ka mga Former Rebels and bandila sa CPP-NP.


Atol sa gipahigayong Change of Command Ceremony pinaagi sa basbas ni Police Lieutenant General Camilo Pancratius Cascolan ang 24th Chief of National Police alang sa bag-ong Regional Director nga si Police Brigadier General Romeo Caramat ug sa Retirement Honors alang sa kang Kanhi Regional Director Brigadier General Joselito T. Esquivel, Jr.,

Huwebes, Setyembre 17, alas 9:00 sa buntag, gisunog ang bandila sa CPP- NPA - NDF sa singkwentay singko (65) ka mga FRs o mga former rebels o mga membro sa walhong grupo nga nahimong mga benebisaryo sa E-CLIP program sa gobiyerno uban ang singgit nga, “IBAGSAK ANG KOMUNISMO!”

Samtang gisilaban na ang bandila sa walhong grupo, misaksi ang walo (8) ka mga Heneral sa kapulisan ug kasundalohan ug ubang mga inilang personahe sa goberno, mga kapalimya, mga kaubanan sa media, ug uban pang imbitado, nga mitambong sa maong mabulokong yugto dinuyugan sa atong makabayan nga awit ang “Bayan Ko.”

Si Governor Dale Corvera ang nangulo sa Pledge of Withdrawal of Support diin nanumpa ang mga FRs or Former Rebels nga biyaan na ang ilang panumpa ug suporta ngadto sa walhong grupo nga mao ang CPP – NPA.

Isip gobernador sa probinsiya sa Agusan del Norte mihangyo siya sa mga FRs nga tinud-on gayud nila ang ilang panumpa nga dili na gayud sila mobalik ngadto sa sabakan sa CPP-NPA, tungod kay seryoso ang goberno sa pagsumpo sa problema sa insurgency.

Iyang giluwatan nga gidawat sila sa goberno sa kinasingkasing gayud ug gitagaan sila og dakung pagtagad sa pangagamhanan. By: Joe-ann Gargar Solis-Felisilda