Medical Scholarship Bill, Usapin na sa Senado

Isa sa prayoridad ng mataas na kapulungan ng kongreso ang batas na naglalayong makapagbigay ng scholarship programs sa mga medical students.

Layunin ng Senate bill No.1 o Medical Scholarship Bill na gawing libre ang pag aaral ng

medisina para narin sa kapakinabangan ng mga Pilipino sa hinaharap.

Sinabi ni Senator Vicente Sotto III, mas dadami ang bilang ng mga healthworkers sa bansa kung maisasakatuparan ang Medical Scholarship Act.

Dagdag pa niya, isa sa mga dahilan kung bakit kulang ang mga doktor sa Pilipinas ay dahil sa mahal ang pag-aaral nito sa bansa..

Saklaw din sa scholarship na to ang mga gastusin sa medical school gaya ng tuition, laboratory at miscellaneous fees, mga libro, school supplies, uniporme, travel and lodging expenses at allowance ng mga mapipiling estudyante.