Multimedia Tablets Idodonate ng European Union, para sa 'Online Jail Visitation' sa Bansa

Mamamahagi ang European Union (EU) ng mga multimedia tablet sa mga bilangguan sa mga lunsod ng Quezon, Davao, Cebu, Angeles, Bacolod, at Naga kasabay ng kanilang proyektong 'Go Just'.

Naglalayon ang programang ito na padaliin at pabilisin ang komunikasyon sa pagitan ng mga preso, at kanilang pamilya at ng kani-kaniya nilang abogado.

Samantala, sinabi ng representative ng union na si Thomas Wiersing na una nang namahagi ng tablets ang EU para sa mga pagdinig sa korte gamit ang video conferencing.