• Estephany Rivera

Pagbuo ng Isang Virology Science and Technology Institute, Isinusulong sa Senado


Photo is for illustration purposes only.

Isinusulong ni Senate National Defense and Security Committee Chairman Panfilo Lacson ang Senate Bill 1543 o ang bill na naglalayong bumuo ng Virology Science and Technology Institute of the Philippines VIP.

Binigyang-diin ni Lacson ang kahalagahan ng science and technology sa pagtugon sa mga problemang dulot ng mga viruses tulad ng coronavirus na laganap ngayon sa mundo.

Ayon pa sa senador, hindi lamang COVID-19 ang dapat pagtuunan ng pansin dahil may mga banta pa ng ibang sakit na nakakaapekto hindi lamang sa tao kundi pati din sa mga alagang hayop at halaman.

Magsisilbi ang VIP bilang pangunahing research and development institute sa virology na pag-aaralan ang mga viruses at ang mga epekto nito sa buhay ng tao at resources.

Magkakaroon din ang VIP, na magiging sangay ng Department of Science and Technology (DOST), ng isang virus high containment laboratory kung saan isasagawa ang mga pananaliksik ukol sa mga sakit.